Y dystiolaeth: niwed i’ch waled

Mae llosgwyr coed yn ddrutach i wresogi eich cartref na boileri nwy neu bympiau gwres, oni bai fod gennych fynediad at goetir preifat ac rydych yn gallu fforio eich coed eich hun.¹ Gall coed sgrap sydd heb eu sychu na’u sesno’n gywir neu sydd â chotiau megis farnis neu baent fod yn eithriadol o wenwynig pan gânt eu llosgi.

Y dystiolaeth: niwed i’ch iechyd

Llosgi domestig, sy’n cynnwys coed a chyfran fach o lo a ‘thanwyddau di-fwg’ yw’r ffynhonnell unigol fwyaf o lygredd awyr gronynnau bach niweidiol yn y DU, gan wneud mwy na 27% o allyriadau PM2.5.² Mae hyd yn oed cartrefi â’r llosgwyr coed “ecogynllun” mwyaf newydd dair gwaith yn fwy llygredig na chartrefi hebddynt.³

Po fwyaf o lygredd awyr gronynnau bach niweidiol yr ydych yn agored iddo, y mwyaf tebygol yr ydych o farw o glefyd calon neu ysgyfaint neu ganser yr ysgyfaint. Gall hefyd achosi diabetes, niweidio iechyd eich ymennydd ac arwain at ddementia, ac effeithio ar blant heb eu geni.⁴ Mae bod yn agored i losgi o dan do yn gallu cynyddu eich risg o ddatblygu canser yr ysgyfaint neu glefyd ysgyfaint.⁶

Y dystiolaeth: niwed i’r blaned

Nid yw coed yn danwydd carbon niwtral. Am yr un swm o wres neu ynni, mae llosgi coed yn rhyddhau mwy o garbon deuocsid (CO2) nac olew neu nwy.⁷ Mae’n gallu cymryd degawdau i goed aildyfu ac ailamsugno carbon a allyrrir trwy losgi coed. Mae torri coed ar gyfer tanwydd yn dinistrio coedwigoedd, yn niweidio ecosystemau ac yn arwain at golli bioamrywiaeth.⁸